დღევანდელ სწრაფად ცვალებად ბიზნესგარემოში, ეფექტიანობა და ოპერაციული მოქნილობა გახდა ნებისმიერი კომპანიის წარმატების გადამწყვეტი ფაქტორები. სწორედ ამ კონტექსტში ხდება აქტუალური აუთსორსინგი, მათ შორის იურიდიული მომსახურების აუთსორსინგიც, რომელიც სულ უფრო ფართოდ გამოიყენება საქართველოში.

რა არის აუთსორსინგი?

აუთსორსინგი გულისხმობს ისეთი სამუშაოების ან სერვისების გადაცემას მესამე მხარეს, რომლებიც არ არის კომპანიის ძირითადი საქმიანობა, მაგრამ აუცილებელია ოპერაციული ფუნქციონირებისთვის. უკვე გავრცელებული პრაქტიკით, თანამედროვე კომპანიები აქტიურად სარგებლობენ აუთსორს სერვისებით ისეთ სფეროებში, როგორიც არის ბუღალტერია, IT, ადამიანური რესურსების (HR) ან იურიდიული მომსახურება.

რას ნიშნავს აუთსორსინგი?

ტერმინი მომდინარეობს ინგლისური სიტყვიდან outsourcing, რაც ნიშნავს "გარედან რესურსის გამოყენებას". ბიზნესის ენაზე ეს ნიშნავს, რომ კომპანიამ შიდა რესურსის ნაცვლად აირჩიოს სანდო პარტნიორი, რომლსაც აქვს მეტი რესურსი და სპეციალიზებულია კონკრეტულ სერვისში, ან დამატებით მოიწვიოს გარედან პროფესიონალები, შიდა გუნდთან ერთად მუშაობის მიზნით.

აუთსორსინგის დადებითი მხარეები

ფინანსური ეფექტიანობა — კომპანიისთვის ხშირად გაცილებით იაფია გარე სერვისის შეძენა, ვიდრე სრულ განაკვეთზე სპეციალისტის შენახვა. გარდა ამისა, აუთსორს კომპანიის გუნდის წევრები მუდმივად ემსახურებიან კლიენტ კომპანიას და შვებულებაში გასვლისა და სერვისის გაწევის შეფერხების რისკები მინიმალურია. აუთსორს კომპანია ასევე როგორც წესი არ მონაწილეობს კლიენტი კომპანიების საბონუსე სისტემაში და „მეცამეტე ხელფასისა“ და დამატებითი ბენეფიტების, მათ შორის ჯანმრთელობის დაზღვევისა და სხვა კორპორატიული პაკეტების ანაზღაურების ვალდებულება კლიენტ კომპანიას არ წარმოეშობა.
პროფესიონალიზმი — აუთსორსული კომპანია სპეციალიზებულია კონკრეტულ სფეროში, შესაბამისად, სერვისი უფრო ხარისხიანია. ხშირ შემთხვევაში, კომპანიის იურისტები სპეციალიზირებულნი არიან კონკრეტულ სფეროში და კომპლექსური ტრანზაქციის ან ახალი პროექტის სამართლებრივი უზრუნველყოფის დროს, წარმოიშობა კონკრეტულ მიმართულებაში გამოცდილი იურისტის ჩართვის საჭიროება. აუთსორს მომსახურების დროს, სხვადასხვა იურისტი სამართლის განსხვავებულ დარგში სპეციალიზდება და შესაბამისად, ყოველ კონკრეტულ შემთხვევაში, კლიენტი კომპანიისათვის გამოიყოფა იურისტი, რომელიც კონკრეტულ სამართლებრივ საკითხს ყველაზე ეფექტურად გადაჭრის.
დროის ეკონომია — კლიენტი კომპანიის მენეჯმენტს ეძლევა შესაძლებლობა ფოკუსირება მოახდინოს ძირითად ბიზნესსაქმიანობაზე და სრულად მიანდოს სამართლებრივი საკითხები აუთსორს კომპანიას.
მოქნილობა — აუთსორს კომპანიისთვის მარტივია კლიენტი კომპანიის ზრდის ან საქმიანობის პროფილის ცვლილების შემთხვევაში, ადაპტირება და კომპანიის საჭიროებებზე მორგება.

აუთსორსინგის პრაქტიკა საქართველოში

საქართველოში აუთსორსინგი უფრო და უფრო აქტუალური ხდება მცირე და საშუალო ბიზნესისთვის. ამას ემატება ციფრული ტექნოლოგიების განვითარება და ის ფაქტი, რომ კომპანიები ცდილობენ მინიმალური ხარჯით მიიღონ მაქსიმალური სამართლებრივი დაცვა.

სტარტეპები და დამწყები ანტრეპრენერები, როგორც წესი, ირჩევენ მხოლოდ აუთსორს იურიდიული მომსახურებას, რაც მათთვის ოპტიმალური დანახარჯებით მაქსიმალურ შედეგს იძლევა.

ასეთი პრაქტიკა საშუალებას აძლევს მათ, თავიდან აიცილონ იურისტის სრულ განაკვეთზე დაქირავების ხარჯი და მაინც მიიღონ მაღალპროფესიული მომსახურება.

გამოცდილი და შედარებით მსხვილი კომპანიები კი, კომპანიის შიდა (in-house) მომსახურებასთან ერთად, სხვადასხვა ყოველდღიურ თუ მნიშვნელოვან სამართლებრივ საკითხებზე კვალიფიციური იურიდიული გადაწყვეტილების მისაღებად, სარგებლობენ აუთსორს იურიდიული მომსახურებით, რაც უადვილებთ მათ მნიშვნელოვანი ტრანზაქციების სამართლებრივ მხარდაჭერას.

იურიდიული აუთსორსინგი კომპანიებისათვის

იურიდიული აუთსორსინგი გულისხმობს კომპანიის სამართლებრივი საკითხების გადაცემას სპეციალიზებულ იურიდიულ ფირმას. ეს მოიცავს:

ხელშეკრულებების მომზადებასა და გადახედვას
შრომითი დოკუმენტაციის მართვას
რეგულაციებთან შესაბამისობის უზრუნველყოფას (compliance). ლიცენზიებისა და ნებართვების მისაღებად შესაბამისი მოქმედების წარმოებას.
წარმომადგენლობას სასამართლოში, არბიტრაჟში ან სხვა ადმინისტრაციულ ორგანოებში
წარმომადგენლობას მოლაპარაკებებისა და ტრანზაქციების განხორციელების ნებისმიერ ეტაპზე.

“ჯასთის ლიგი” გთავაზობთ აუთსორსინგის ტიპის მომსახურებას, რაც მოიცავს სამართლებრივი მომსახურების სრულ სპექტრს, რომელიც მორგებულია თქვენი ბიზნესის საჭიროებებზე. ჩვენი გუნდი იმუშავებს როგორც თქვენი იურიდიული პარტნიორი, თქვენზე მორგებული ფორმატით.

საბოლოოდ, იურიდიული აუთსორსინგი არის არა მხოლოდ ხარჯების დაზოგვის ინსტრუმენტი, არამედ ბიზნესის განვითარებისა ახალი ხედვა და ის კომფორტი, რომელიც ბიზნეს თუ არამეწარმე იურიდიულ პირებს, აძლევთ მაქსიმალური სამართლებრივი დაცულობისა და კომფორტის შეგრძნებას.

თუ გსურთ სამართლებრივი მხარდაჭერა მოქნილი და ეფექტური მოდელით - ჯასთის ლიგი მზად არის გახდეს თქვენი სტრატეგიული პარტნიორი.